مصدوم ان الحلقة مستواها بيتراوح بين عادية جداً لما تحت العادي لو قسوت عليها فالتقييم ومش دة المستوى اللي كان واصلني من كلام الناس قبل ما ابدأ المسلسل اطلاقاً. كنت متوقع حلقة أولى بمستوى افتتاحية مسلسل منعطف خطر على أقل تقدير من الضجة اللي عالسوشيال ميديا دي كلها واللي في الغالب جزء كبير منها سببها جملة "مستوحى من احداث حقيقية" المتواجدة على البوستر، او انا اللي تسرعت في مقارنة مستوى الاحداث مع الآراء وانطباع الناس كان عن الحلقتين الأولى والثانية مع بعض لانهم نزلوا في نفس اليوم.. لكن حتى لو كدة فالحلقة الأولى بشكل مُنفصل مازالت كانت أقل بكتير من توقعاتي ليها الإخراج اڤريدج مسلسل من أعمال شاهد الأصلية، حلو لكن مفيهوش حاجة مُميزة او البصمة اللي كنت مستنيها. يمكن الحاجة الوحيدة اللي لفتت انتباهي هي ان دي اول مرة بشوف فيها باسم سمرة بأداء غير مُبهر ولا يليق بمستواه سواء ينفع على الدور او لأ لإن باسم سمرة لو بأدائه الطبيعي هيسد في اي دور تفاصيل تقنية بسيطة كان ممكن نهتم بيها ونطلعها بشكل احسن.. زي الترانزيشنز السيئة بشكل ملحوظ بين احداث المسلسل والانترو/الاوترو. ومش هتكلم عن لو كانت أغنية النهاية لايقة او لأ عشان بحب الوايلي. أتمنى اشوف طباخ الجيزة بعيون وانبهار الناس مع حلقة تانية تخليني استثمر فالمسلسل اكتر من كدة