المسلسل رهيب حتى الان واحلى شي ان فكرته مميزة بفصل الدماغ جزئين ونتيجة ذا الشطر خلق شخصية جديدة تماما بنفس الدماغ ف زي الانفصام الكامل، طبقوها بشكل حلو.
الغموض ممتاز جدا وفيه طابع رعب وذا الشي ممتاز لكن اتمنى بالموسم الثاني مايتحول لفروم وتصير خلقة تمطيط لانهائية وغموض بدون اجوبه ومن ذلك.
المسلسل ذا بالراحة ثلاث مواسم لكن اتمنى ماتزيد اكثر من اللازم.
حشو الشذوذ المقزز بالعمل اثر على تقييمي بشكل كبير؛ لانه واضح باول كم حلقة ان بيرت وإرف اصدقاء فقط وعلاقتهم كانهم لقو الصديق الوحيد اللي يفهمهم بهذا العالم الفارغ (الشركة) وحواراتهم رهيبه لين هجت مع المخرج، شكلهم شافو مرت كم حلقة وقالو لو ماضفتو شذوذ بنكنسل المسلسل وحشاها المخرج بالغصب.
فيه اشياء غير منطقية اولها ان فصل الذاكرة غريب شوي مثل وش الاشياء اللي تبقى مع الداخلي (العامل بالشركة) من الخارجي (الشخص نفسه) احيانا يبينون جهل باكثر الاشياء البديهية واحيانا يبينون انهم فاهمين شي معين صعب الشخص يفهمه فطريا او بشكل لاواعي، مثل باول حلقة قالت هيلا هل انتم شركة تربي البشر منذ الصغر عشان تستعبدهم زي المزرعة، كيف جا فبالها ذا الشي الصعب مع انها المفروض ماعندها ذاكره او خبرة.
وايضا بالحلقة الاخيرة إرف الداخلي سبحان الله نزل عليه الوحي كيف يسوق سيارة قير عادي وعرف كيف يستخدم الخريطة.
اشياء غير منطقية نوعا ما ولكن نمشي على الاقل او مرة يطلع مسلسل كويس من apple tv.
المسلسل ككل جيد واتمنى يتحسن بالموسم الثاني ويجاوبون على الغموض بشكل جيد مو بزيادته وعدم الاجابه زي فروم.